同舟今年3月成立，同舟團隊用咗不足一個月嘅時候，於葵涌建立咗一個生產無塵間及數條口罩生產線，正式開始走上香港製造嘅旅程。
有出品後呢兩個月嘅時間，同舟 Unite透過不同途徑售出總達3百萬隻口罩，等於6萬盒50個裝嘅口罩。
響客人收妥口罩嘅同時，同舟 Unite都收到約2000個關於口罩嘅評語，好與壞嘅評語都有。
當中有為數不少嘅客人表示口罩透氣度非常好、口罩材質厚度適中、臉型設計好戴上臉剛好等等嘅評語。
而同舟 Unite亦收到約200人有關口罩品質問題嘅評語，包括口罩耳繩掉落、鼻樑條位未密封及口罩邊未有封口嘅問題。每當同舟 Unite收到關於品質問題時，同舟 Unite都會一一向工廠反映及進行檢討。
關於封邊
口罩係靠超聲波將三層布封埋一齊
由於一個口罩中間會有摺疊，整個厚度有不同
所以同舟 Unite出品左右兩邊用超聲波力量壓出嚟紋有深淺
如果大家手頭上收到嘅口罩只係壓紋深淺不一，而左右兩邊係封好咗，口罩係正常功能可以安心繼續使用。
而如果不幸口罩係有部份位置未封好，請聯絡購買途徑嘅CS，可以到同舟 Unite火炭服務中心更換。
對於超聲波功效未能發揮到最好
超聲波係一件好跩同敏感嘅組件
強度太低會焊唔實 太高會整爛塊布
而佢同其他機件最大嘅分別就係佢出現生產問題係好間歇性, 隨意同難察覺的
所以同舟 Unite守好品質嘅關口係好依賴同舟 Unite生產線上100% QC 檢查外觀同功能嘅同事
佢哋如果發現問題會馬上重新檢查同一生產線嘅口罩同請技術同事調整機器
但有啲情況係好難發現甚至同舟 Unite喺之前未發覺到嘅
例如早段耳線有「假焊」嘅情況
即係外觀望落去已經焊實
功能測試掹幾下都好實凈但原來中間係未完全焊實 客人使用嘅時候掹多幾下就甩繩
好感謝同舟 Unite嘅客人善意嘅提醒、反饋同鼓勵
令同舟 Unite團隊可以每日都針對產品未完善嘅品質再繼續提升同改善
務求令所有客戶都可以安心滿意咁用同舟 Unite嘅產品
對於喺香港成為生產初哥，同舟 Unite確實有好多地方需要繼續努力💪🏻
確保未來嘅出品能夠靚仔同有良好嘅保護功效。
歡迎大家繼續提出意見，同舟 Unite一定會着力改善。
同舟 Unite呢兩日亦都會暫停出貨，工廠會幫同舟 Unite重新QC所有預備出貨嘅口罩，確保所有口罩已經封好邊。
關於售後服務
無論大家使用任何途徑購買同舟口罩，同舟 Unite嘅售後服務都會係一樣。
任何口罩如果質量有問題，請於收到貨品七日內，透過你嘅購買途徑聯絡CS，安排到同舟 Unite火炭服務中心進行更換。
基於衛生問題，明天開始所有到火炭服務中心更換嘅口罩將會係獨立包裝。
同舟 Unite服務中心開放時間係星期一至五 9:00-18:00，星期六 9:00 – 17:00。
