對於今日嘅報道，同舟 Unite有以下幾點想講：
同舟不屬於政府資助本地口罩生產線，同舟並沒有領取任何政府資助。而瑞士億科並不止有兩條口罩生產線，同舟 Unite與瑞士億科是OEM工廠關係。
重要嘅事情要講三次：
同舟冇收過政府錢
同舟一蚊都無喺政府到收過
同舟無涉及任何政府口罩資助
於生產及品質檢測問題上，同舟 Unite會定期到工廠檢查生產進度及品質要求，並將每一個客人的投訴都會反映給工廠，以便改進口罩的質素。
對於耳繩易甩及口罩兩邊未封好的問題，在6月的時候，同舟 Unite的確收到客人反映以上的問題，同舟 Unite已即時向工廠反映問題，同舟 Unite立即停工重新QC所有已經做好但未出貨的口罩，工廠亦即時研究問題所在，經過了解後，工廠已即時為口罩生產機器在超音波焊接技術上作出調整，並且同時收緊檢測同事對品質檢查的要求。
對於處理較早前口罩品質問題上，客人可以將有問題的口罩向同舟 Unite更換新的口罩。客人只需要直接聯絡購買渠道的CS便可。
另外，同舟 Unite的口罩原材料由一開始至今都只是使用同一個布料供應商，該供應商是於疫情前香港唯一一間生產溶噴布供應商，有超過數十年歷史。
而於原材料上，同舟 Unite對口罩所用的原材料是非常有信心的，原因是同舟 Unite在生產口罩上一直只用同一個穩定的供應商，只是溶噴布有兩個型號由兩部機器生，兩個型號的溶噴布都有通過檢測。
由開始發售口罩至今，同舟 Unite大約收到約80盒由客人退回有品質問題的口罩並且作出更換。工廠為加強控制品質，同舟 Unite計劃在七月中後出產每一盒口罩上加上生產批次同識別編號，從而令同事可以更容易清楚知道口罩來自哪一批布料，哪一部機器，哪一個QC處理。當有問題發生的時候，可以追蹤相關口罩的批次及品質控制，以便提供更好的培訓給相關同事及有效改善品質問題。這個幫每一盒口罩印上生產批次原定計劃係八月份先至會做到，正正就是六月中收到客人意見反映，工廠配合同舟 Unite決定提前一個月執行，時間上面雖然好緊張，但是一想到能夠令客人買得更加放心，所有的同事覺得辛苦全部都係值得。
同舟口罩一直謹守自己嘅崗位，盡能力做到最好。同舟 Unite嘅理念由頭到尾都一致，希望可以用最優惠嘅價格為香港人提供優質嘅口罩。
所以，同舟 Unite四月份用最優惠嘅價錢預售口罩。
所以，同舟 Unite嘅出品冇任何一隻用咗嚟出口賺更多嘅錢。
所以，當同舟 Unite嘅產能上咗嚟，同舟 Unite有足夠存貨就即刻做優惠俾大家，買二送一。
所以，同舟 Unite做買二送一優惠嘅第二日，疫情爆發第三波，藥房開始又出現炒價，香港口罩又有少少緊張，所以好多人去銷售門市入貨，同舟 Unite冇即刻抽起優惠，同舟 Unite繼續做買二送一俾客人。
冇抽起優惠，因為同舟 Unite並唔係見錢開眼，同舟 Unite繼續維持初心，同香港人一齊同舟共濟。
同舟 Unite唔單止冇抽起優惠，同舟 Unite仲同工廠溝通，呢兩日全力OT，生產最大嘅產能，等同舟 Unite多啲現貨賣俾大家，等大家唔使再次擔心冇口罩用。
最後，請大家放心嘅係，同舟出品口罩同舟 Unite絕對負責任，無論大家喺任何渠道購買，有任何品質問題都可以作出更換。
如果有任何需要請聯絡同舟 Unite嘅CS。
以下係同舟 Unite兩個WhatsApp專線：
📞6468 8552
📞9249 5774
