【香港製造的第三步 – 口罩機】
想響香港建立口罩生產線，繼無塵間同原材料問題後，接下來就係看似最簡單，但其實係最花心機嘅一環，就係購入口罩機啦！睇到呢到可能大家都R緊頭，點解又難又易咁呢？
一切由set up 開始
其實買一部口罩機只需要有肯俾錢提早訂就無問題，但由收到口罩機開始去到可以自動生產口罩，呢個就係 #同舟unitemask 團體面對難關啦，因為口罩機係由唔同嘅部件組成，每個部件嘅組裝都要屬於不同嘅專業，分別由唔同嘅工程師及顧問負責，但口罩機係一整組不可分割嘅生產線，所以每個部件都環環相扣，團體需要有好強嘅默契及合作度先可以成事。
香港製造的第三步
口罩機嘅生產工序可以簡單分為：整合三層不織布料、加入鼻樑條及壓上耳繩等等，以上嘅工序都係使用超音波熱溶技術去完成，但每個工序所需嘅時間都唔同，呢時候就係工程師團隊發揮實力嘅時候啦，因為需要佢地嘅專業為每一個步驟作出微調，以達到口罩機可以好流暢咁自動生產。最高峰嘅時候，我地OEM既工廠總共有10位工程師一齊操作口罩機，場面 #何其壯觀 ！最後當然成功建立咗香港專屬口罩嘅生產線，#同舟unitemask 團隊 想藉呢個機會 #借大家嘅掌聲 比咁專業嘅團隊。
不過都可以 #賣個關子 先， #同舟unitemask 為咗癲到貫徹 #香港製造 呢件事，我地響口罩機上都會有小突破，我地都希望可以盡快公開講比大家知，不過暫時先耐心等待一下先啦！
最後，附上初期測試機器拍攝嘅短片一條～～
#同舟共濟 #港人自救 #逆境女王 #香港人為香港製造嘅口罩 #香港製造並唔係咁易的
Source
