【10點(幾) 同舟報導 – 無塵間】
大家唔好意思呀，我地遲左少少出呢個報導，(我地知其實都唔止少少🤦🏻♀️，係小編手腳太慢，我會返去好好鍛練下，敬請見諒！🙇♀️)。入返主題先，#同舟unitemask 團隊真係覺得大家好醒，因為好多人都估到呢個就係同舟生產口罩嘅基地，今日就俾大家睇吓入機器前既無塵間啦！
呢個符合ISO-14644 Class 8 標準嘅無塵間，響換氣系統上係做到每小時換氣達22次，全有賴一個高效能嘅過濾系統，令空氣加速循環，所以成個無塵間每立方內嘅微粒唔超過10萬，因為換氣次數愈高，空氣中內嘅微粒就會愈少。除咗ISO 8外，呢個無塵間仲符合ISO-13485嘅醫療器材品質管理系統標準，對於生產口罩嘅品質或口罩生產線上都有一定嘅保證，因為 #同舟unitemask 團隊想製造嘅唔單只係一隻口罩，我地係想建立一個生產口罩嘅制式系統，希望可以長遠發展！
對於進入無塵間嘅一切，我地都有非常高嘅要求，希望令無塵間一直處於最好嘅狀態，而每個入無塵間嘅同事都需要先換上防靜電嘅工衣，帽，鞋，當然唔少得口罩啦，再響風淋間內去除身上嘅塵及微粒，而原材料都需要經過同一個步驟先可以入去架，為咗係想響最衛生嘅環境內生產出最理想嘅口罩！
我地想做嘅又點止咁少呢，所以我地仲收埋咗幾樣 #秘密武器 ，想知係咩就要繼續密切留意我地啦！
#同舟共濟 #港人自救 #逆境女王 #香港人為香港製造嘅口罩 #秘密武器 #今次由小編聲音導航 #下次會交返比7嫂
Source
