【做口罩 ? Why? 】好多人問小編公司明明做保健品，點解走去做口罩？！🤔我哋創辦人陳曦齡博士見到香港喺疫情下，連老人家都要排通宵買口罩、醫護人員都唔夠口罩，有啲人甚至唔理風險，一個口罩用幾日😢 …….公司本著醫者嘅理念，我哋希望出一份力，生產口罩為大家打打氣！即使我哋知道萬事起頭難，第一次做口罩必定面對種種挑戰，但既然決定要做，就只會諗點樣將件事做到最好！於是，我哋開始迎難而上，上下一心喺好短時間內，做好每件事！
👉 ISO14644 – ISO 8級別無塵室
我哋決定擱置原定生產計劃，騰出廠房無塵室做口罩。無塵室有一系列嚴密監控措施外，仲喺放置機器前徹底消毒每個角落。想睇睇我哋個無塵室環境，大家即刻睇片 !
👉口罩物料
我哋搵咗志同道合嘅香港空氣過濾物料專家FOCUS，用納米纖維做口罩中層過濾；但估唔到最後為咗面層同底層物料，由日本、韓國，搵到去歐洲，搵足個幾月先搵到。
👉調整生產線及機器
我哋對品質一向絕不妥協！即使第一次做口罩，我哋花咗唔少時間，令員工熟習生產運作，並確保機器運作暢順，生產高質安全嘅口罩。
雖然因為搜購物資、調整整個生產運作用多咗好多時間，令大家要一等再等🙏，但我哋承諾會努力急起直追🏃🏃🏻♀️，同大家一齊努力抗疫，為大家做好外在防護 ! 提提大家都要保重身體，好好提升免疫力。💪
#香港製造 #HF95 #納米抗菌口罩 #守護香港人嘅健康 #維特健靈與你同心抗疫 #你的健康我的使命
Source
