《虛心改進 品質為先》
小編上班9成9準時，就係一日遲到咗15分鐘，果日就俾腦細撞到正🤦🏻♀️話說當日早上鄺博士突擊來咗工廠，平時11點前唔係好見人嘅腦細，就趕返工廠，結果我與老細喺公司門口迎面相見…好在佢都唔得閒理我呢啲小薯，一支箭咁奔咗入廠🏃🏻。
鄺Sir由口罩工廠啱啱開廠直到而家都一直好關注口罩工廠🤭，好記得最初口罩工廠啱啱推出口罩嘅時候，鄺Sir在蘋果日報評價口罩工廠嘅SE口罩唔適合醫療用，到之後喺某網媒評價口罩工廠嘅V99口罩只得B級，估唔到反而從此促成咗口罩工廠同鄺Sir嘅緊密交流，令口罩工廠加深對原材料認識。亦因為咁，口罩工廠希望引進可以自行檢測原材料嘅儀器，鄺Sir介紹口罩工廠引進價值過百萬嘅檢測儀器，令口罩工廠更了解自己嘅產品質素，對每片口罩嘅過濾率、透氣度瞭如指掌，先可以不斷提升，同時為口罩工廠進入 ISO13485 醫療器材品質管理系統的考核打好了良好的品質監控基礎。
曾幾何時，口罩工廠都有因為不停的被指責而感到心灰意冷，但口罩工廠明白到自己的不足，呢段日子口罩工廠一直虛心學習、努力將產品改良，到今日得到鄺Sir「由彈變讚」，足以證明口罩工廠用心（還有用成本）將品質提升，是會有人看到的，終於感受到口罩工廠嘅努力係無白費。要多謝鄺Sir一直以來嘅鞭策，令口罩工廠呢個學生可以不斷進步；更多謝鄺Sir嘅高度評價，為口罩工廠打左支強心針，但口罩工廠不會因此鬆懈，必定繼續努力將產品質素一直提升！💪🏻
口罩工廠
Mask Factory
