💜半年Thankful Event💜
2020-4-18係一個好特別嘅日子，我哋間廠第一日正式投產。今日踏入左半年，我想好好咁樣記錄下。
本身我哋係賣母嬰產品，二月嘅時候，見到大家周街撲口罩，年初二，身在馬來西亞旅行嘅我，喺條街度諗住買幾盒返香港比屋企人都開始冇，行左幾條街都見到啲香港人跑來跑去搵口罩。
年初三，我不嬲都入咗一啲批發嘅群組，見有一啲印尼，台灣嘅口罩就諗住幫啲客人掃貨。好啦，最後掃咗幾千盒，淨係幫親戚朋友都幾百盒。呢度已經俾咗二十幾三十萬。
年初四，又入咗一批3M 1860，諗住用成本價俾醫護人員。又幾十萬。
十日八日後，收到消息，普通嘅口罩喺碼頭俾人用高價搶晒。3M 更加俾人呃左啲錢去投資，根本從頭到尾都冇貨源！
好，唔緊要，錢是少，但係嗰時十萬火急，咁多親戚朋友客人都冇口罩用點算？
二月有一晚，去咗個好朋友屋企打邊爐，傾傾吓飲醉酒，即晚就決定自己生產口罩。第二日開始買機，買材料。係咪要賺疫情錢，唔係，係要還債，還人情，你哋明唔明爭人野嗰種感受？明明大家都指望你，跟住你令人失望箇中難受？唔知大家仲記唔記得二月三月嘅時候香港人有幾痛苦？應該冇人記得，因為而家周街都係口罩！仲好記得當日有人同我哋講話，而家政府都派口罩啦，我唔會收你哋貨😌
三月，機買左，原材料又買埋，clean room 亦差唔多裝修完。真心諗住所有到哂，一插電啲口罩就會自己飛出黎。當然最後，原來部機係虧嘅！
首先第一批原材料，好辛苦咁買返嚟，俾100%錢，最後一卷都收唔到，但係嘥咗我兩三個星期等，最後冇貨。嗰刻即刻好想自殺，唯有又用另一個天價買另一批原材料，收到貨，同版嘅完全唔同，要求退貨，唔認數，依家啲貨喺邊？係堆填區，而家仲搵律師告緊嗰個人，但係最後應該都搞唔掂。我發誓一隻口罩都冇出過街。呢度講緊嘅係一百萬港幣！第三批原材料，Nelson Lab 3E 98% , delta P over 咗，點解？因為我地屎，唔知原來部機拉力同速度影響好大！但係大貨已經一早解決咗呢個問題。Report 係over , 因為個report係我哋一收到貨第一日整出嚟嘅最差嘅產品。但其實你收到嘅貨基本上沒事。但有人同我哋講話佢帶出街焗到想暈低，又點解呢？我終於明白咩叫做perception。好簡單，等如你出邊買一盒寫住低糖檸檬茶，你真係覺得佢唔甜，但係其實一樣甜到死。你見到啲咩，你設定咗啲咩就係咁。點解我哋唔解釋？有用嗎？重新入Lab要兩個月。既然你都咁憎我，我做啲咩都一樣係憎㗎啦。跟住開始俾人搵啲所謂黑材料。連屋企人都俾人炒埋出嚟，屋企人什麼顏色關我咩事呢？呢單生意投資又係用我自己啲錢，佢哋嘅諗法我又控制嗎？我相信香港好多家庭都出現呢個問題，咁如果政見唔一樣，你哋全部都離家出走嗎？當然，好老實講，一個平時連新聞都唔係太睇嘅人，根本就冇政治立場。相不相信由你，認識我嘅人就會知道。但係≠有啲人公開晒你屋企人同仔女嘅相，我就唔識發火！
生產初期，係，我哋成班人咩都唔識，目測見到個口罩冇事，就以為冇事。講真，邊一個人會識。生產，根本都唔係香港嘅核心工業。冇人識production , 淨係諗住快快快。雖然我哋全部都係摸石過河，但係我哋真係出自內心同埋好努力。工場每日開21個鐘，我自己本人都每朝7:00返屋企，朝早8:00先瞓覺。跟住晏晝一兩點就繼續返工場。一開始質量差， CS唔好，我知啊。但係當成Team人每日都瞓一兩個鐘，心情也會好嗎？冇人生出來係鍾意日日俾人鬧。仲要係講個身體狀況，心理壓力情況下，請原諒我哋，當初真係得罪咗好多人。由頭到尾都冇諗住賺錢，仲好興奮諗住頭嗰排捐去慈善機構，之後當然捐唔到，仲要比客人鬧到傻話遲出貨，有時真係覺得自己好蠢好傻，做咁多嘢都係抵死。香港人冇口罩咪由佢囉，自己咁辛苦做咩，係屋企舒舒服服睇電視唔好咩？俾人鬧完，退咗錢，原來都可以繼續喺出邊唱衰你，之後咪嬲嬲地全部唔退囉。跟住咪繼續惡性循環囉，總之成件事錯晒。
我哋之後好努力去改善產品質素，都係為咗補償返俾大家，。每個人都有自己崩潰嘅時候，block咗你耳根清靜，你可能淨係對住我哋一個，但係我哋一Team人係對緊千千萬萬個客。所以，We are very sorry if we didn’t use nice words or have blocked you.
唔係扮可憐，好多人以為我哋香港口罩廠賺好多錢。可以同大家講，就算balance 到條數已經偷笑。其實好開心而家認識到好多行家,大家都會分享返呢幾個月嘅辛酸史。有一大部份都係真心想為香港，真係唔係諗住賺疫情錢。大家身為香港人，可唔可以體諒我哋呢啲只係成立左幾個月嘅生產線，每間都大大話話投資1千萬或上。冇咁大勇氣同膽量其實真係做唔到！好多負能量嘅人，覺得我哋唔賺錢開嚟做咩，咁你有冇諗過如果當初冇人開，今時今日就要死死氣用天價買一啲唔合規格嘅口罩，所以凡事都應該抱着一個感恩嘅心。
呢條路，唔知可以行幾耐，行幾遠。況且一開始根本就冇諗住做得長，都唔希望呢個疫情直到永遠吧！開咗半年，淨係想記錄低一啲心底嘅說話。我其實仲想個疫情快啲完結，我可以返返去正常嘅生活。當然，係我有限度嘅能力下，唯有出多啲花樣，等大家喺疫情下都多添一啲色彩。
你選擇繼續鬧，我都會繼續block 你，🤣因為呢個除咗係做生意嘅page，亦都係我自己一個小小嘅回憶page，。
所以任何人選擇唔買唔緊要，但係我都可以保持我個page嘅清潔度，this is my choice.
之前有提過，紫色同橙色都會係我哋嘅Permanent color想當初我係直接係pantone 用咗好多次佢染我自己喜歡嘅顏色。趁係呢個半年嘅Thankful event, 我哋會以超低價賣我哋長run嘅顏色。
https://mommyliciousclub.com/collections/limited-products
今晚分享完，希望大家以後可以對我吔及所有香港口罩廠高抬貴手，我哋一班員工真係每日工作得好辛苦。記住呢個疫情下，有一班無名英雄喺後邊為香港出心出力！🙏
你唔買我個牌子唔緊要，都可以盡量買香港製造，支持本土！
請留意，在本網站購買所有貨品，價格一律不包含運費，如選擇順豐寄運，運費一律為到付！！！ **運費限時優惠期 📦在此優惠期間，只要一張單購買滿HKD600或以上，就可享有免香港本地運費優惠（此優惠不能與其他優惠同時….
Source