經過過去個多月的忙碌，尋日已經按原定計劃將所有三色口罩全部交付予物流公司，過去嘅日子收到極大聲音話OXYAIR MASK唔出貨或者冇出貨，首先OXYAIR MASK承認第一批嘅貨品比起原定15/7確實係遲咗三個工作天，首先同各位講返聲唔好意思！
但實際情況並唔係OXYAIR MASK冇出貨或者OXYAIR MASK出咗貨就算，唔去跟進，唔覆PM 或者email ，OXYAIR MASK過去呢幾個星期CS同事每日都全Team 去覆email 同pm ,直至依家為止OXYAIR MASK仲有大約1500 個email 未覆曬，高峰期OXYAIR MASK累積咗超過10000個電郵未能即時回覆，而Facebook pm 就計唔到有幾多未覆因我真係分分秒秒都有pm，OXYAIR MASKcs同事回覆係由之前的查詢䦕始回覆，如果OXYAIR MASK未覆之前客戶再send查詢就只會跳到最新，所以請大家能夠理解。
而有關唔出貨嘅流傳，以下圖片就係OXYAIR MASK7月份每次出貨俾其中一家物流公司嘅出貨証明，先唔講6月份，就7月份OXYAIR MASK分別在2號，6號，8號，10號，13號，15號，16號，17號，20號同25號出貨俾這家物流公司，而其中15號，16號，17號，20號呢四日同一日OXYAIR MASK出兩次貨去佢哋唔同地區嘅倉庫，目的就係想節省佢哋為貨品再作分區處理嘅時間。
OXYAIR MASK相信絕大部份不滿嘅客人都係選擇呢間物流公司，而另一間物流公司嘅派送服務就冇乜問題出現，首先希望大家理解兩間公司嘅規模同埋經驗有好大好大嘅分別，而當中本地嘅物流公司畢竟只有有限嘅櫃而櫃爆滿未能即時入櫃，佢哋亦已經好努力咁用其他唔同嘅可能性盡快將貨品俾到大家，當然當中仲有好多可以改善嘅空間，另一方面OXYAIR MASK希望透過呢個post同大家講返OXYAIR MASK其實每一日都有同物流公司去溝通，並不是、並不是、並不是交咗貨俾物流公司就算。
而OXYAIR MASK短期內暫時所有貨品只會交由另一間快遞公司去派送，目的就係想物流呢方面唔會再遇上不能掌控嘅情況，希望各位能夠理解！
而另一方面OXYAIR MASK同樣理解客戶嘅擔憂同焦急，所以批評同指責OXYAIR MASK都接受並且馬上加以改進，OXYAIR MASK早前出貨嘅批次確實有部份出現斷繩，超聲波焊接不夠等嘅情況出現，而以上情況OXYAIR MASK已經作出改善，隨住七色彩虹口罩嘅交付，OXYAIR MASK希望大家可以睇到OXYAIR MASK用實際行動話俾大家聽問題已經作出改善。
最後希望大家能夠明白，各位絕對可以話OXYAIR MASK批評及指責OXYAIR MASK做得唔夠好，唔夠經驗，QC唔夠精細、各方面嘅批評同指責OXYAIR MASK會欣然接受並加以改善，但請大家不要誤解OXYAIR MASK冇良心，冇用心，因為OXYAIR MASK公司上上下下超過200人響呢個百年一遇被疫情籠罩嘅嚴峻日子入面，OXYAIR MASK每日都係全心全意咁要去做好自己嘅工作崗位，早班同事早上7:00提前兩小時5:00上班，夜班同事12:00收工OT至凌晨4:00，為嘅並唔係果份OT錢，而係大家都覺得每日做緊嘅事除咗係工作之外仲係對香港社會有所貢獻！
