登記活動已經係今日12:00正式截止啦。
首先多謝咁多位嘅支持，Simply Mask登記人數超過200,000人，不過當中一定會有部份人重複登記，因為我收到你地唔少嘅inbox，都話自己入錯名啦、入錯email啦、入錯電話啦、訂錯顏色啦、入錯數量啦⋯⋯無奇不有😅😅😅！都係果句，大家可唔可以俾心機爬下文，減輕下我嘅負擔呀？🙏🏻🙏🏻🙏🏻
由於我又收到海量嘅inbox問我，點解我登記左收唔到SMS？收唔到email confirm？點解我仲未收到通知去付款？實在太多點解🤣，等我喺呢度講多少少資料，希望你哋真係真係真係細心D睇。
首先你登記完之後，Simply Mask係會將所有嘅資料重整一次，剷除重複登記嘅資料！如果同一個電話號碼登記多個一次，Simply Mask會以最新登記時間嗰一個輸入為最後！ 重組所有資料之後，會用內部抽籤形式決定發貨嘅先後次序！ 初步Simply Mask係唔會公開抽籤後嘅結果，等到Simply Mask完成一大批貨之後，可以出貨時，Simply Mask就會發SMS比可以第一批收貨嘅朋友！嗰陣時你哋就可以收到SMS去Simply Mask網頁俾錢！比完錢之後，大約七個工作天你哋就可以收到貨品！
有啲人可能問：收到訊息嘅時候可唔可放棄購買？ 絕對可以！你哋可以放棄！只要喺指定日期你哋冇上去website俾錢嘅話，你哋嘅貨將會比下一位！
有啲人又問我: 之前入少咗數量或者入錯咗顏色，可唔可以改? 可以，你哋俾錢時，係系統再改！
所以你哋真係唔好再send inbox問我呢啲問題，我依家喺呢度一次過搭晒你地啦🤣🙏🏻🙏🏻🙏🏻
希望大家體諒吓Simply Mask，呢一個人人有份，永不落空，鬥長命嘅購買制度，都係為你地而諗多於Simply Mask公司自身利益！
可能係等耐啲，但係唔使預繳亦都少一份擔心！ 而且之後你哋真係等得太耐唔想買嘅時候，你哋又可以自己決定放棄，收到sms唔俾錢就OK 㗎!
多多包涵，世上冇制度係完美嘅，真係已經盡力！
