請注意，登記購買口罩的Google link將於明日中午12點在Simply Mask的Facebook登出。
依然收到海量嘅inbox問我，係咪聽日12點？係咪聽日12點呀？我講多一次，Simply Mask嘅登記時間係聽日12點開始至5月27號嘅中午12點！Simply Mask嘅登記係唔需要鬥快！ 因為你登記完之後，Simply Mask係會用程式作內部抽籤來決定發貨嘅先後！
如果你哋堅持一定要鬥快上去登記，整冧左Server，聽日就會登記唔到，大家就會少一日登記㗎啦！
另外，聽日所登記購買嘅口罩係未獲得國際認證！如果你哋對Simply Mask嘅品質存疑，請耐心等候七月nelson lab report出咗之後先再登記購買Simply Mask嘅口罩!
聽日嘅登記過程裏面，你哋只需要輸入極為簡單的資料，半頁唔使就登記完成，包括姓名、電郵、電話及你哋所選嘅顏色口罩。麻煩各位喺遞交嘅時候，認真檢查自己輸入的電話號碼及電郵，否則就唔會收到Simply Mask任何嘅出貨通知！
Simply Mask會以電話號碼作為個人身份認證！如果任何人士登記超過多一次，將會被取消購買資格！ 敬請各位只登記一次！Simply Mask會以內部程式取消那些重複登記的訂單！謝謝！
