《鄭生又爆Seed系列》
本週5條當選佛都有火嘅問題
1）點解你唔做多啲貨，要Soso Mask排隊買？
SOSoMask官方答案：Soso Mask已經盡量加大生產令到大家都可以買到心儀嘅口罩😊多謝你支持SOSoMask
鄭生答：做到唔做呀？！你以為放落影印機咁簡單？點解你唔做啲貨比我買，你肯做我肯排！
不如學人年金計劃，買99年計劃先有機會買黃色，而買999年就送包極光
又或者抽簽好無？抽籤嘅時間又使唔使搵兩個太平紳士監場？我怕又話唔公平

2) 點解比卓悦賣，我附近無，點解唔可以比SaSa？
SOSoMask官方答案：由於卓悦好早期已經與SOSoMask接觸，當決定做零售嘅時候，Soso Mask就決定與卓悅合作
鄭生答：比SaSa會唔會問點唔比華潤？如果你住東龍島，咁我應該放喺邊度賣
3）點解荃灣卓悅賣紫色，旺角先有黃色
SOSoMask官方答案：由於貨量不多，Soso Mask盡量同卓悅溝通，希望唔同地方不時會出現唔同嘅顏色口罩，迎合客戶
鄭生答：我鍾意咁
4）人哋口罩話可以存放2-3年，點解鄭生成日叫人唔好囤貨，我買嘢都無自由呀？
SOSoMask官方答案：SOSoMask尊重大家購買的自由，由於需求殷切，請大家盡量只購買足夠的份量令更多人可以買到需要嘅口罩
鄭生答：其實口罩可以放一千年，不過是否有效係另一件事，靜電會隨着時間改變，level2以上同一般口罩嘅要求唔同
所以足夠就好，盡快使用
人哋老點你，你就走嚟質疑我，咁點解你唔問佢點解可以放2-3年？
5）點解耳帶會有高低，你哋有無QC!
SOSoMask官方答案：SOSoMask會努力改進，務求每一隻SOSoMask都令大家滿意，不過高低並不影響佩戴及口罩質量
鄭生答：產速會影響機器穩定性
不過根本同質量無關係，你自己耳仔有無高低，帶過眼鏡人都知耳仔都有高低，你出世當時有無QC，可以討論但係唔好即刻鬧
如果相差好遠出聲Soso Mask樂意幫你更換
但係如果純粹認為外觀就有影響，請每天照鏡

PS. 鄭生直頭係趕客，有無工作介紹比小編
#好快失業
